Желтоқсан оқиғасы балабақша үшін ауыр тақырып – Мұрат Әбенов

Экс-депутат Мұрат Әбенов балабақшадағы балалар үшін желтоқсан оқиғасы ауыр тақырып екенін айтты. Мұрат Әбенов бұл туралы Facebook парақшасында жазды.

– Мынау енді артық сияқты... Бұл кезеңде балалардың психологиялық педагогикалық жас ерекшелігі - саяси мағынасын ұқпайды. Кім не үшін жазаланғанын емес, қайсысы жақсы - жаман екенін түсінбейді. Сонда қандай тәрбиелік мәні бар? Тек ата ана және әкімшілік үшін керек бұндай шаралар.

– Кеңес үкіметінің милитаризм идеологиясы және казіргі  Рессейдің агрессиялық ұстанымы бұндай қойылымды жиі пайдаланады. Маңайдын барлығын жау көрсетіп, жас кезінен соғысқа дайындау, кім күшті билік сонда екенін дәлелдеу, - дейді ол.

Әбеновтің айтуынша жастарға бейбітшілік өмірді көрсетіп, әділдікті насихаттау керек.

– Ал біз жас ұрпаққа сәби кезінен бейбітшілік өмірді көрсетіп, әділдік пен заңдылықты құрметтеуді, ақыл оймен, өнермен, таланттармен басекелестікті насихаттағанымыз дұрыс. Сіздер қалай ойлайсыздар, - деп жазды ол.