Диана Тәшімбетованың түнгі клубтағы видеосы талқыға түсті

19 жастағы сұлулық ханшайымы Диана Тәшімбетованың басы үлкен дауға қалды.

Желіде «Ғалам аруы Қазақстан-2022» байқауының жеңімпазы түнгі клубта кадрдан мас күйінде ер адамның тізесіне отырғаны және өзін өте ерсі ұстағаны көрінетін видео пайда болды. Бейнекескінді ресейлік телеграм арналары жария еткен.

Ақпаратты жариялаған Super сайтының хабарлауынша, Тәшімбетованың байқауға қатысуға дейінгі өмірбаянының кейбір деректері де су бетіне шыққан. Телеграм арналардағы ақпаратқа сай, Диананың бұл видеосы ол «Мисс Қазақстан - 2022» байқауына қатыспай тұрып, Дубайда түсірілген.

«Кейбір мәліметтерге сәйкес, ол қыз үйленген жігітпен қарым-қатынаста болған: оларды Дубайда бірге көрген. Оның үстіне, олар айтқандай, ол жігітті жақын құрбысынан тартып алған деседі. Әлеуметтік желі қолданушылары «беделі төмен бұл ару сұлулық байқауына қатысуға қалай жіберілді?» деп таң қалды. Қазақстан – консервативті ел, ондағы отбасылық дәстүрлер киелі» деп жазады ресейлік басылым.

2022 жылдың желтоқсанында «Қазақстан аруы» байқауының аккаунтында қыздың «ұйымдастыру комитетіне, оның серіктестеріне және басқа қатысушыларға құрметтемегені үшін» тәжінен айырылғаны туралы хабарлама жарияланды. Кикілжіңге Тәшімбетова ұйымдастырушыларды кінәлаған «Әлем аруы» байқауына дайындықты қаржыландырудың жеткіліксіздігі себеп болған.