Желіде Ресейдің қаза тапқан сарбаздары тиелген вагондар видеосы тарады

Al Jazeera телеарнасының катарлық журналистері Ресейдің Украинаға қарсы соғысы туралы хабар таратты. Видео хабарламада орыс сарбаздарының мәйіті тиелген вагон көрсетілген.

Видеодан Ресей әскерінің киіміне ұқсас киім киген мәйіттерді көруге болады. Сондай-ақ, онда Ресейде жасалған дене бронының жапсырмасы, сөмкелер, шеврондар, қазақ тапқан сарбаздардың алтын бұйымдары болған.

Телеарнаның хабарлауынша, мәйіттер тиелген вагон Киевте түсірілген. Сонымен қатар, видео сюжетте Ресей тарапы сарбаздардың мәйітін алудан бас тартқанын алға тартты.

Еске салсақ, Ресей Қорғаныс министрлігі «арнайы әскери операция кезінде 1351 сарбаз қаза тауып, 3825-і жараланғанын» хабарлаған. Ал Украина Қарулы Күштерінің Бас штабы 9 мамырда Ресей тарапы 25 650 сарбазынан айрылғанын мәлімдеген.