Желіде әкесі зорлаған 8 жасар қыздың хаты жарияланды

Желіде туған әкесінің құрбанына айналған 8 жасар қыздың хаты жарияланды. Оқушы оқиға жайлы баяндап берген.

Оқушы қыздың хатын белгілі құқық қорғаушы Ләззат Рақышева жариялады. Оның айтуынша, әкесі әлі бостандықта жүр.

Қыз хатында әкесі қорлаған соң оның іш киімі қан болып қалғанын көріп, жуғанын айтқан.

Ал адвокат Айман Омарова қазір бұл іс бойынша шағым түскенін және тергеу амалдары жүріп жатқанын айтты.

«Кішкентай қыз туған әкесі не істегенін нақты айтып отыр. Мен ол қызбен сөйлестім. Сексуалдық зорлық көрген 8 жасар қыздың ісімен Алматы қалалық Полиция департаменті айналысып жатыр. Зорлық ісі аса ауыр қылмыс санатына жатады. Мұндай жағдайда күдікті бұлтартпау шарасымен дереу қамауға алынуы керек. Алайда тергеуші кішкентай қыз атап көрсеткен адамды, яғни әкесін әлі қамауға алмай отыр. Ол жауапкершіліктен жалтарып кете ме деп қорқамыз, - деді Айман Омарова.

Адвокат мұндай істерді прокуратура өз бақылауына алу керектігін алға тартты.