Желі қолданушыларын «бүйрегі жоқ баланың өлі денесі табылды» деген хабарлама шошытты

Telegram-чаттардың бірінде із-түзсіз жоғалып кеткен 17 жастағы екі баланың мәйіті табылғаны туралы хабарлама пайда болды. Онда балалардың бүйректері жоқ делінген.

Бұл туралы Orda.kz StopFake.kz порталына сілтеме жасап хабарлады. 

Хабарламада оқиға қай елді-мекенде орын алғаны айтылмаған. Нақты оқиға туралы ақпарат жоқ. Не күн, не ай атауы аталмаған.

Хабарлама авторы «балаларды тексеру кезінде зорлық-зомбылық белгілері табылмаған деп, артынша бүйректері жоқ» деп мәлімдеді. Сонда бүйректің жоқтығы зорлық-зомбылық белгісіне жатпағаны ма?

Ақпарат жалған болуы мүмкін. Желіде ол туралы ештеңе айтылмаған, БАҚ өкілдері де мұндай жағдайдан хабарсыз.

Мұндай жалған хабарламалар бұрындары да тараған: Ресейде, Үндістанда. Артынша бұл хабарламалар жалған болып шыққан.

Демек, Қазақстанда жоғалып кеткен балалардың іш-құрылысы «қара» нарықта сатылады деуге негіз жоқ.