Жеке пансионатта оңбай құлаған алматылық зейнеткердің омыртқасы сынып, ауруханаға түсті
Фото: Бейнеден кадр
83 жастағы Тілектес Мергенбаев Алматыдағы жеке пансионатта төсегінен жерге құлады. Деменциясы бар егде жастағы ер адамның омыртқасы сынып, басы жарылған. Қарияның ұлы бұл жағдайға пансионат қызметкерлерін айыптап отыр, деп хабарлайды Orda.kz.
Бір аптадан бері 83 жастағы қария қалалық ауруханада жатыр. Ол 7 қазан күні таңертең төсегінен құлап түседі. Оған ешкім көмекке келмегесін, бар күшін жинап орнына жайғасады.
Кейін зейнеткер дәретханаға барғысы келіп, қайта орнынан тұрғанда тағы құлап, басы жарылып, омыртқасы сынады. Ол тағы орнынан тұра алмай екі сағат бойы сыз еденде жатады.
«8:00-ге дейін ол еденде жатқан. Пансионат қызметкерлері оны көре тұра, ешқандай көмек көрсетпеген. Ол өздігінен тұруға тырысқанда, арқасы ауырып айқайлап жіберген. Бірақ оның жанына ешкім жақындамаған. Бір сағаттан кейін, медбике қайтып келіп, әкемді еденде сүйреп алып кеткен», — деді жәбірленушінің ұлы Әбілахат Мергенбаев.
Әбілахат Мергенбаев не жағдай болғанын сағат 11.00-ден кейін бір-ақ біледі. Зейнеткер ауруханаға жеткізіліп, оны мамандар тексеріп, неврология бөліміне жатқызады. Дәрігерлер қарияның жағдайы бір қалыпты ауыр деп хабарлаған.
Зейнеткердің ұлы әкесі енді жүре алмай қалуы мүмкін екенін айтты. Ол пансионат басшысымен тек телефон арқылы байланысқанын мәлімдеді. Пансионат директоры Жібек Бекжолдасоваға медбике зейнеткерді көтерген кезде ол қалыпты жағдайда болғанын айтқан.
«Қария құлағаннан кейін медбике оны төсегіне көтеріп, отырғызды. Ол қайтадан төсектен тұрып, тағы бір рет құлаған. Мен ол жерде түнде болған жоқпын, тек медбике болған. Мен жұмысқа сағат 10.00 – де келіп, қарияның қасына бардым. Оған бірдеңе болғанын байқадым. Жедел жәрдем шақырылды. Немересі келіп, оны ауруханаға алып кетті», — деді пенсионат басшысы.
Сол түні кезекшілік еткен медбике интернатта ресми түрде жұмысқа орналасқан, орналаспағанын басшылық ашып айтпады. Әбілахат Мергенбаев полицияға арыз беріп қойды.
Айта кетейік, Қаржы мониторингі агенттігі БЖЗҚ қаражатын жалған стоматологиялық клиникалар арқылы жымқыруды ұйымдастырды деген күдікке ілінген үш адамның бірі Аслан Дүйсеновті ұстады.
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
