Жедел жәрдем рейсін орындаған ұшақ суға қонды

Биіктіктен айырылған ұшақ суға қонуға мәжбүр болды, деп хабарлайды Orda.kz порталы.

Көлік министрлігі Арқалық-Ақсұңқар бағытында санитарлық рейс орындаған Ан-2 ұшағы әуеге көтерілгеннен кейін биіктігін күрт төмендетіп, су айдынына қонғанын хабарлады.

«Ұшақ бортында екі экипаж мүшесі және үш қызметтік жолаушы болған. Олар Арқалық қалалық ауруханасына эвакуацияланды. Алдын ала мәлімет бойынша,  зардап шеккендер жоқ» делінген көлік министрлігінің хабарламасында. 

Ведомстводағылар апаттың мән-жайын анықтау үшін комиссия құрылғанын хабарлады. Себептері мен жағдайлары нақтыланады.