Жедел жәрдем көлігі Алматы көшесінде балшыққа батып қалды

Алматыда жедел жәрдем көлігі Көлсай ықшамауданындағы жолда тұрып қалды. Жабдықтарын көтерген дәрігерлер шақыртылған жеріне батпақтатып жаяу барды.

Жолда тұрып қалған жедел жәрдем көлігінің суреті kris.p.online парақшасында пайда болды. Суреттен тас жолдың орнына белшеден балшықты жолды көруге болады.

«Олар адамға көмектесуге барады, бірақ «мінсіз» көшелер мен Көлсай ықшамауданы жолдарының арқасында уақытылы жете алмайды», - деді парақша.

Алматыдағы жедел жәрдемнің баспасөз қызметі оқиғаға қатысты түсініктеме берді. Кеше, 7 ақпанда Көлсай ықшамауданындағы Дәуір көшесінде дәрігерлердің көлігі шынымен де батпаққа батып қалды.  

«Қоңырауға 30 минуттай жетпей, көлік кептеліп қалды. Дәрігер жабдықтарын алып, шақыртуға батпаққа белшесінен батып, жаяу барған. Науқасқа көмек көрсетілді, оны ауруханаға жатқызу қажет болмады»,- деп түсіндірді Алматыдағы жедел жәрдем баспасөз қызметі.

Олардың айтуынша, көлікті балшықтан шығару үшін жеке көліктер мен төрт дөңгелекті жабдықтарды тартқан. Бірақ ол еш көмегін тигізбеді. Тек үш сағаттан кейін жүргізуші ойластырған құрал мен домкраттың көмегімен шығарылды.