Жеңіс үшін аянып қалмаймыз – Магомед Адиев

Бүгін Қазақстан құрамасы Ұлттар Лигасы қарсаңында Әзербайжанмен кездеседі. Биыл командалар жарыстың С тобында өнер көрсетіп жатыр.

Кеше ойын қарсаңында арнайы баспасөз мәслихаты ұйымдастырылып, құрамалар БАҚ құралдары үшін ашық жаттығу жасады.

Айта кетейік, Қазақстан мен Әзербайжан құрамалары 8 рет кездескен. Оның төртеуінде қазақстандық футболшылар жеңіске жетсе, екі ойын тең аяқталған.Ойын алдында футболдан Қазақстан ұлттық құрамасының бас бапкері Магомед Адиев пікір білдірді.

– Әзірбайжан құрамасын мықты қарсылас деп есептейміз. Ойын оңай болмайды. Олардың қандай ойын ойнайтынын, бапкердің қандай тактика ұстанатынын білеміз. Ойын біздің алаңда өтеді. Жеңіс үшін аянып қалмаймыз, - деді ол.