Жеңілдетілген автонесие бойынша берілетін көліктің құны неше?

Қазақстандық автобизнес қауымдастығы техникалық реттеу жөніндегі директоры Ербол Сейпілов жеңілдетілген несиелендіру бойынша қолжетімді көліктердің қанша тұратынын айтты.

Сейпітловтың айтуынша, үкімет 100 млрд теңге бөлген жаңа бағдарлама бойынша жеңілдетілген автонесие белгілі бір көліктерге беріледі. 4%-пен қолжетімді автомобильдердің бағасы 5,9-дан 16,69 млн теңгеге дейін болады. Олар: 

• Chevrolet Cobalt - 5,99 млн теңгеден 6,49 млн теңгеге дейін;
• Chevrolet Cobalt - 5,99 млн теңгеден 6,49 млн теңгеге дейін;
• Hyundai Accent - 7,09 млн теңгеден 8,19 млн теңгеге дейін;
• Kia Rio - 7,89 млн теңгеден 10,49 млн теңгеге дейін;
• Kia Cerato - 9,89 млн теңгеден 12,49 млн теңгеге дейін;
• Kia K5 - 12,99 млн теңгеден 15,49 млн теңгеге дейін;
• Hyundai Elantra - 9,19 млн теңгеден 13,49 млн теңгеге дейін;
• Hyundai Sonata - 12,29 млн теңгеден 16,69 млн теңгеге дейін.

Ал Қазақстандық автобизнес қауымдастығының вице-президенті Анар Мақашева жеңілдетілген автонесиелеу бағдарламасына қатысқысы келетін қазақстандықтарға автосалондардағы кезекке байланысты алаяқтық болмайды деп сендірді.

Еске салсақ, жеңілдікпен автонесие беру бағдарламасы бүгін басталды. Оның шарты бойынша кез келген қазақстандық автомобильді жылдық 4%-пен сатып ала алады.

Несие 10 млн теңгеден аспайтын сомаға және 7 жылға дейінгі мерзімге беріледі. Бастапқы жарна жоқ. Көліктің жалпы құны 15 млн теңгеден аспауы керек.