Жаз бітсе де, жұт бітпейді. Маңғыстаудағы жағдай оңалар емес

Маңғыстау облысында жем-шөп жетіспегеннен мал қатты арып кеткен. Алғашқы суреттер маусымның басында шыққан. Бүгінгі күнге дейін жантүршігерлік суреттер азаймаған.

Бұл туралы Orda.kz Ладаға сілтеме жасап хабарлады.

Казнет қолданушылары Маңғыстаудың қорқынышты трагедиясын талқылауды ешқашан тоқтатпайды: қатты құрғақшылықтан мал шөлдеп, аштықтан жаппай қырылып жатыр. Далаға шашылған өлген жылқылардың денелері бейнежазбаға түсірілген. Суреттер Жетібай ауылының маңында және «Голубая шығанағы» ауданында (Ақтаудан алыс емес жерде) түсірілді.

 – Бұл жұттың жақсы мысалы. Шыныменде Маңғыстау даласында болып жатыр, - деді видео авторы.

«Ақтау қайырымды достар клубы» видеода өлген жануарлардың аз ғана бөлігі көрсетілгенін жазған. Тірі қалғандары азық іздеп шөл далада әрең жүріп келеді. Жануарлар азаптанып өліп жатыр.

Желіде халық болып жатқан оқиғаға өкініш білідіріп, аптап ыстықта малды далада күннің астына жіберетін жануарлардың иелерін де сөз етті.

- Нағыз қаныпезерлер, мен мұндай қожайындарды басқаша атай да алмаймын. Малды далаға жіберіп, тіпті су бермеуге бола ма?!

- Жануарға қарай алмаса, оны алып несі бар? Сөз жоқ.

- Әдетте малдың иелері бар. Неге оларды таппайсыңдар? Олардың малдары қалай мұндай күйге жеткен? Бұл қатыгездік, басқаша айта да алмаймыз.

Ауыл шаруашылығы министрлігінің ресми мәліметінше 10 тамыздағы жағдай бойынша Маңғыстау облысында 1161 жануар қырылды.