Жауапсыз ана үш баласын аштан-аш үйде қамап кеткен

Павлодар облысының Ақсу қаласында анасы үш баласын үйде қараусыз қамап кеткен.

Бұл туралы Orda.kz хабарлады.

Pavlodar-online хабарлағандай, сәбилер, оның ішінде екі айлық қыз, үнемі үйде жалғыз сегіз жасар ағасының қарауында қалады.

Кезекті рейд кезінде қалалық полицейлер пәтерлердің бірінде сегіз, бес жасар және екі айлық балалардың болғанын анықтады.

Белгілі болғандай, үш баланың анасы таңертең кетіп қалған. Оны тез арада табу мүмкін болмады. Төтенше жағдайлар департаменті есікті бұзып ашты.

– Балалар аш қалған. Заттар әр жерде шашылып жатты, тоңазытқышта алкогольді ішімдіктерден басқа ештеңе жоқ. Екі айлық қызға сегіз жасар ағасы пакетке сүт құйып берген.

Көршілері балалар жиі жалғыз қалады дейді. Балалар балаларды қолдау орталығына жеткізілді. Төрт сағаттан кейін анасы жігітімен бірге келді. Анықталғандай, ол облыс орталығында қосымша жұмыспен жүрген.

Келіншекпен бірге тұратын адам бұрын сотталған. Бірнеше рет ата-аналық міндеттерін орындамағаны үшін әкімшілік жауапкершілікке тартылған. Қазіргі уақытта 34 жастағы әйел ҚР ӘҚБтК-нің 127-бабы бойынша жауапқа тартылды, материал сотқа жіберілді.

Сондай-ақ, кәмелетке толмағандар істері жөніндегі сот ата-ана құқығынан айыру мәселесін шешетін болады.