«Жау шебіне бірінші болып кірген»: Кемел Тоқаев туралы құпия құжат табылды

Ресейдің қорғаныс министрлігі Қазақстан президенті Қасым-Жомарт Тоқаевтың әкесі, гвардия сержанты Кемел Тоқаевқа қатысты құпия құжатты жариялады, деп хабарлайды Orda.kz. 

Құжатта оның 1945 жылдың қаңтарында Польшада көрсеткен ерлігі үшін «II дәрежелі Отан соғысы» орденімен марапатталғаны жазылған. 

Онда Тоқаевтың жау орналасқан жерге бірінші болып кіріп, бесеуінің көзін жойып, біреуін тұтқынға алғаны баяндалады. Оқиға 1945 жылдың 21 қаңтарында болған. Жараланған Кемел Тоқаевты әлемге танымал хирург болған жас дәрігер Гавриил Иллизаров аман алып қалған. Марапаттау қағазына гвардия подполковнигі Афанасий Поваровтың қолы қойылған.

Біз Кемел Тоқаевтың жазушы болғанын білеміз. Ол — детектив жанрында шығармалар жазған қаламгер.

Айта кетейік, қаңтар айында Тоқаевтың «Әке туралы ой-толғау» атты аудиокітабы шықты.