Құжаты жоқ шетелдіктерге Қазақстаннан 5 маусымға дейін кету қажет

Алматы қалалық көші-қон қызметінің басшысы Асхат Бүтіншінов шетелдіктерге жүгінді.

Бұл туралы Orda.kz Polisia.kz-ке сілтеме жасап хабарлады.

5 маусымда 2020 жылғы 29 желтоқсандағы COVID-19 таралуын болдырмау туралы МАБ шешімінің соңғы мерзімі аяқталады. Сәйкесінше жол жүру құжаттары, тұруға ықтиярхаттары, визалары, уақытша тұруға рұқсаты жоқ шетелдіктер мен азаматтығы жоқ адамдар Қазақстаннан шығуы керек.

Заңсыз жүрген азаматтарды шығару туралы сот шешімін дербес орындау мерзімі қайта басталады.

Осы себепті шетелдіктер мен азаматтығы жоқ адамдар 5 маусымға дейін қажетті құжаттарды жасатуы керек.