Жатақханадағы жұмбақ өлім: Назарбаев университеті студентінің қазасына не себеп болды?

Астана қаласындағы Назарбаев университетінің жатақханасында қайтыс болған студентке қатысты тергеу жұмыстары басталды, деп хабарлайды Orda.kz.

Қайғылы оқиға 18 маусым күні орын алған. Университет жатақханасынан бір студенттің мүрдесі табылған. Астана қалалық полиция департаментінің мәліметінше, қазіргі уақытта ҚР Қылмыстық кодексінің 105-бабы бойынша («Өзін-өзі өлтіруге дейін жеткізу») сотқа дейінгі тергеу амалдары жүргізіліп жатыр.

Тергеу мәліметтері Қылмыстық-процестік кодекстің талаптарына сәйкес жарияланбайды.

Университет басшылығы марқұмның отбасына материалдық және моральдық көмек көрсетуге дайын екенін мәлімдеді.

Еске сала кетейік, осы жылдың қысында Назарбаев Университетінің студенті қыздар дәретханасында жасырын түсірілген 30-ға жуық бейнежазбаны сақтап келгені белгілі болды.