Жатақханадағы жарылыстан күйік шалған бойжеткен қайтыс болды

cover

Петропавлдағы жатақханалардың біріндегі орын алған өрт кезінде газ балонының жарылуынан зардап шеккен бойжеткен қайтыс болды, деп хабарлайды ORDA тілшісі.

СҚО ТЖД баспасөз қызметінің мәліметінше, денесінің 65 %-ын күйік шалған 1999 жылғы қыз 1 наурыз күні сағат 23.35 минутта жансақтау бөлімінде қайтыс болды.

Естеріңізге салайық, 21 ақпан күні Петропавлдағы Интернационал көшесі, 21 мекенжайындағы 5 қабатты жатақханада газ балоны жарылды. Оқиға орнында екі адам қаза тауып, 15 адам ауруханаға жеткізілген.

СҚО денсаулық сақтау басқармасы баспасөз қызметінің мәліметінше, кеше сол үйдің тұрғындары - екі адам ауруханадан шығарылды.

Қазір жансақтау бөлімінде жатқандар жоқ, үш адам палатада ем алып жатыр.

Жаңалықтар

барлық жаңалықтар