Жасылдар партиясы ұжымдық басқаруға көшеді

Бүгін еліміздің барлық 20 аймағы өкілдерінің қатысуымен «Байтақ» жасылдар партиясының кезектен тыс үшінші съезі өтті, деп хабарлады партия.

Съезде бұрынғы төраға Азаматхан Әміртаев пен оның төңірегіндегілердің әрекетін айыптап, оларды партиялық ұстанымға сәйкес келмейді деп тану туралы шешім қабылданды.

Саяси ұйымның атауы да өзгертілді, ол қазір Қазақстанның жасылдар партиясы деп аталады және Алматы қаласында орналасады.

Сонымен қатар, партияны басқарудағы авторитаризмге жол бермеу үшін Жарғыға өзгерістер енгізілді.

«Партия бірнеше тең төрағалары бар ұжымдық басқару әдісіне көшті. Олар Әпсенбетов Бейбіт Тұрсынбекұлы, Жұмалиев Қажым Махамбетұлы, Қозыбақов Әділбек Мұстажебұлы және Сқақова Айжан Амангелдіқызы» делінген хабарламада.