Жасанды сана даурықтырды — депутат су тасқыны кезіндегі дүрбелең жайлы

Көктемгі су тасқыны кезінде қазақстандықтардың арасында дүрбелеңнің туындауына жасанды интеллекттің қатысы бар. Бұлай деп Мәжіліс депутаты Сергей Пономарев Астанадағы Maqsut Narikbayev University-де өткен медиафорумда айтты, деп хабарлайды Orda.kz.

«Су тасқыны көптеген дүрбелең туғызған жағымсыз жазбалар жасанды интеллекттің көмегімен дайындалғанын көрсетті. Бұл алаңдаушылық тудырады», – деді депутат. 

Пономаревтің айтуынша, мұндай материалдар тек жалған ақпаратты таратып қана қоймай, қоғамда үрейдің күшеюіне себеп болған. Ол жасанды интеллект жасаған жазбаларды міндетті түрде таңбалауды енгізуді ұсынды, бұл оқырмандарға журналистердің еңбегінен айырмашылығын ажыратуға мүмкіндік береді. Сондай-ақ, жалған ақпарат таратқаны үшін жауапкершілік мәселесін қарастыру қажеттігін атап өтті.

«Қазірдің өзінде әріптестер мұндай материалдарды «адамшылық» қосып жетілдіріп жатыр, бірақ көп ұзамай оның қажеті болмай қалады. Бұл журналистиканың болашағы мен технологиялар дәуіріндегі рөлі туралы ойға қалдырады», – деп толықтырды мәжілісмен. 

Сергей Пономаревтің мәлімдеуінше, Екатерина Смышляеваның басшылығымен бір топ депутат жасанды интеллектті заңнамалық тұрғыда реттеудің механизмдерін әзірлеп жатыр.