Алматыдағы тәртіпті жасанды интеллект қадағайлады

Алматы әкімі Бақытжан Сағынтаев қала көшелеріндегі адамдардың жаппай жиналуын бақылау үшін бейнемониторингтің IT-жобасын әзірлеуге уәде берді.

«Цифрландыру - қылмысқа қарсы күрестің ең тиімді құралы. Қоғамдық қауіпсіздікті тиімді қамтамасыз ету және ең бастысы құқық бұзушылықтардың алдын алу үшін адамдар көп шоғырланған жерлерді бейнебақылау жобасын енгіземіз. 2019-2020 жылдары 1 мың бейнекамера орнатылды, 103 қолданыстағы сәйкес камералар цифрлық форматқа көшірілді. Сондай-ақ, ПД жедел басқару орталығында жаңғырту жұмыстары жүргізіліп, жаңа мониторинг орталығы құрылды», - деді әкім Instagram-да.

Бағдарлама адамдарды арнайы белгілер арқылы іздей алады. Көліктерді, велосипедтерді, скутерлерді және қараусыз қалған заттарды сканерлейді. Ол үйлерге немесе кеңселерге рұқсатсыз кіру әрекеттерін де анықтайды. Сағынтаев сонымен қатар қаладағы бейнекамералар санын 4000-ға жеткізуге уәде беріп отыр, бұл қоғамдық орындарды толық қамтамасыз етеді.

«Жалпы, Алматыда бюджеттік бағдарламалар, жеке ұйымдар мен МЖӘ шеңберінде орнатылған 120 000 бейнебақылау камераларының мүмкіндіктері қолданылады. Сыртқы бейнебақылау жүйелерінің көмегімен 6000-ға жуық қылмыс ашылды. AIS BDD жүйесінің бейнекамералары және Sergek АПК 1,4 миллион құқық бұзушылықты тіркеді», - делінген хабарламада.

Барлық қоғамдық автобустарда бейнекамералардың арқасында 85 қылмыстық топ әшкереленіп, қалта ұрлығының саны екі есеге азайғаны атап өтілді.

Сағынтаев жасанды интеллектті қолдану Алматыдағы қылмыстың ұзақ мерзімді және тұрақты төмендеуіне қол жеткізуге көмектеседі деп сенімді. Бұл таяу болашақтағы негізгі міндет.