«Жас жұбайлардың өлімі»: Мас полиция қызметкері екі адамның өліміне себепкер болды

Ақтөбе облысында 34 жастағы полиция қызметкері өз үйлену тойынан кейін мас күйінде KIA автокөлігінің рөліне отырып, көлікті басқара алмай, 25 және 26 жастағы жас жұбайларды қағып өлтірді.

Бұл туралы Orda.kz хабарлады.

Orda.kz Ақтөбе облысының полиция басқармасына хабарласып мән-жайды сұрастырып көрді. Басқарма қызметтік тексеру жүргізіліп жатқанын айтты. Сондай-ақ, мас болып көлік жүргізген полиция қызметкерінің 7 басшысы да қызметінен босатылғанын мәлімдеді.

«Жол апатына байланысты сотқа дейінгі тергеу жүргізіліп жатыр. Жүргізуші қамауға алынды. Қызметтік тексеру жүргізіліп, оның нәтижесі бойынша күдіктінің басшылары да жұмыстан шығарылды. Барлығы 7 жауапты қызметкер қызметінен босатылды» деп хабарлады Ақтөбе облыстық полиция басқармасы.

Тергеу істері жалғасып жатыр.