Амнистиямен босап шыққан адам өліміне күдікті экс-әкімдік қызметкері қайта қамалды

Таразда 18 жастағы жігіттің өліміне кінәлі деген күдікке ілінген бұрынғы әкімдік қызметкері қайта қамауға алынды.

Бүгін Жамбыл облыстық апелляциялық сот отырысы өтті. Сотты судья Ләззат Рамазанова төрағалық етіп, Ж. Жолдасовты 28 ақпанға дейін қамаққа ұстау туралы шешім шығарды. Оны Orda.kz тілшісіне марқұм жігіттің әкесі хабарлады.

Еске салсақ, былтыр 23 қараша Жамбыл облысының орталығы Тараз қаласында таңғы сағат 06:30 шамасында Сейфуллин-Әл-Фараби көшелерінің қиылысында жол апаты орын алды.

Қайғылы жағдай орын алған күні кешке Nexia көлігінің дөңгелегі жарылып, ол жол ортасында тоқтауға мәжбүр болған. Жолға апат кезінде қолданылатын белгі қойылған. Жүргізуші қосымша дөңгелекті алу үшін көліктің жүксалғышын ашып тұрғанда арт жағынан BMW автокөлігі келіп соққан.

Оқиға орнында Nexia көлігінің жүршігізушісі 18 жастағы Мейірбек Уалиханұлы қайтыс болған. Ол - колледж студенті. Кешкі уақытта Nexia автокөлігімен такси жүргізушісі болып қызмет етіп жүрген.

Артынша BMW көлігін бұрынғы әкімдік қызметкері тізгіндегені белгілі болды. Ол оқиға орнынан қашып кеткен.

Айта кетсек, бұған дейін күдікке ілінген азамат амнистия арқылы бостандыққа шыққан. Алайда, марқұмның отбасы апелляциялық шағым түсірген. Олардың шағымы қанағаттандырылды. Енді күдікті 28 ақпанға дейін қамауға алынды.

Авторы: Исламбек Дастан, Жамбыл облысы