Жас жігіт вокзалда әріптесін алып қашып кеткен

Әлеуметтік желіде бірнеше ер адамның қызды күштеп көлікке салып жатқан видеосы тарады. Бойжеткен айқайлап, қарсыласып, көмек сұрады.

Видеоның сипаттамасында оқиғаның Жамбыл облысы Шу қаласының теміржол вокзалында болғаны айтылған. Болжам бойынша, қызды алып қашқан.

Жергілікті полицейлер видеоны Шу аудандық полиция бөлімінің қызметкерлері зерттегенін айтты.

«Оқиғаның мән-жайын анықтап, түсініктеме беру үшін жігіт пен қыз аудандық ішкі істер бөліміне шақырылды. Олар бірге жұмыс істеп, жарты жылдай кездесіп жүргендерін түсіндірді. Қыз видеоны Шуға тек жігіттің ата-анасымен танысу мақсатында бара жатқандықтан түсіргенін айтты. Ал жігіті оны біраталай рет алып қашпақ болған. Қыз некеге тұруға дайын болмаған» делінген полицияның түсініктемесінде.

Сондай-ақ, ведомствоның мәліметінше, бойжеткен жас жігіттің үстінен арыз жазудан бас тартқан. Полицейлердің түсіндіруінше, ерлі-зайыптылар қыздың үйіне әке-шешесімен кездесіп, қазақтың әдет-ғұрпы бойынша ата-ананың батасын сұраған.