Атыраудағы дәмханалардың бірінде 23 жастағы ер адам онымен билеуге бас тартқан бойжеткенге қол көтерді.
Бұл туралы Orda.kz хабарлады.
Белгілі болғандай, оқиға Азаттық даңғылында орналасқан кафелердің бірінің би алаңында болған. Белгісіз ер адам бойжеткенге ойда жоқта қол көтерген. Артынша оқиға орнынан қашып кеткен.
– 9 қазан күні сағат 03: 33-те Атырау қалалық полиция басқармасының «102» операторына 26 жастағы қыздан билеп жатқан кезінде белгісіз ер адам оны көзінен ұрып, қашып кеткені туралы хабарлама келіп түсті. Аталған жайт бойынша 293-баптың 1-бөлігімен (Бұзақылық) қылмыстық іс қозғалды. Жедел-іздестіру шаралары барысында 23 жастағы ер адам ұсталды. Тергеу амалдары жүргізілуде, – деді Атырау облысы ПД.
