Жасөспірім қызды зорлаған ер адам абақтыда аштық жариялады

Сот үкіміне қарсы шыққан айыпталушы өзін кінәлі емес екенін алға тартты. Ол 14 жылға бас бостандығынан айырылған.

Диапазон басылымының хабарлауынша, 41 жастағы сотталушының әпкесі Татьяна БАҚ өкілдеріне көмек сұрап жүгінген.

Оның айтуынша, ағасы сот үкіміне қарсы аштық жариялаған, бұл оның денсаулығына кері әсер етуі мүмкін.

Ағасы 14 жасар қызды зорлағаны үшін 14 жылға бас бостандығынан айырылған.

Қайғылы оқиға саяжайда орын алған. Бірақ сотталушы өз кінәсін мойындамай отыр.

– Жасамаған қылмысы үшін оған 14 жыл берді, - деді Татьяна.

– Қыздық перде зақымдалмағаны белгілі болды. Сонда қандай зорлық туралы айтылып жатыр? Ағам олардың құшақтасып, аймаласқандарын, барлығы өз еркімен болғанын айтты. Олардың арасында жыныстық қатынас болмаған. Ағам прокурормен, үкіммен келіспей, аштық жариялады. Өзіне бірдеңе жасай ма деп қорқамын. Ол үшінші топтағы мүгедек, аяғы жоқ. Жыл сайын протездеуге баратын, қазіргі біздің заңмен олар оны емге апара ма, жоқ па, білмеймін.

Айта кетсек, мұндай қылмыс үшін 15 жылға дейін бас бостандығынан айыру жазасы қарастырылған. Сот сотталғанның кінәсі іс бойынша жүргізілген сараптамалар, жәбірленушінің және куәлардың айғақтарымен расталғанын түсіндірді.