Жасөспірім әлеуметтік желіде танысқан зорлаушының құрбаны болды

cover

Жамбыл облыстық полициясы оқушы қызды зорлаған күдікті ер адамға қатысты қылмыстық істі тергеп жатыр.

Бұл туралы Orda.kz хабарлайды.

Жергілікті тұрғындардың айтуынша, қылмыстың құрбаны 12 жасар қыз болған. Қыз бала 35 жастағы ер адаммен Instagram арқылы танысқан.

Облыстық полицияның мәліметінше, қылмыс туралы ақпарат Меркі аудандық полиция бөліміне түскен. Тәртіп сақшыларына Меркі ауылының кәмелетке толмаған тұрғыны балалар ауруханасына жүгінгенін хабарлады.

— Сотқа дейінгі тергеу аясында бірқатар тергеу әрекеттері мен қажетті сараптамалар жүргізілді. Жедел-іздестіру шаралары жүргізілуде, - деді ведомство.

Аталған факті бойынша Меркі аудандық полиция бөлімі «зорлау» қылмыстық бабы бойынша сотқа дейінгі тергеуді бастады.

Жаңалықтар

барлық жаңалықтар