Жас павлодарлық шахмат блицінде ФИДЕ вице-президентін жеңді

Ойын Алматыда өтті, деп хабарлайды Pavlodarnews.kz.

Қазақстан шахмат федерациясының хабарлауынша, шахматтан әлем чемпионаты аясында халықаралық гроссмейстер, атқарушы директор, ФИДЕ басқарма төрағасының орынбасары Дана Рейзниеце-Озоламен кездесу ұйымдастырылды.

Сондай-ақ Дана Резиенс-Озола Балуан Шолақ атындағы спорт сарайында мектеп оқушылары үшін бір мезгілде ойын сессиясын өткізді. 20-дан астам жас шахматшы халықаралық гроссмейстермен бір мезгілде ойын ойнады. Олардың арасында осы блицті ойнауға Павлодардан арнайы келген жас Сүлейман Ахмет те болды. Ол ФИДЕ вице-президентімен кездесуде жеңімпаз атанды.

— Халықаралық гроссмейстермен ойнау мен үшін үлкен мәртебе болды, бұл баға жетпес тәжірибе, - дейді жас шахматшы.

Сүлейман Ахмет 2018 жылдан бері Павлодар шахмат академиясында шахмат ойнайды.

Ол небәрі 10 жаста, бірақ оның қоржынында айтарлықтай жетістіктері бар. Ол рапидтен 2021 жылы 10 жасқа дейінгі балалар арасында Қазақстан Республикасының күміс жүлдегері, 8 жасқа дейінгі балалар арасында блицтен 2020 жылы қола жүлдегері. Сондай-ақ биылғы жылы 10 жасқа дейінгі Ғабит Сәтмағамбетовтың қайырымдылық турнирінде бірінші орын алды. Шахматтан Павлодар және Павлодар облысының чемпионы атағының иегері.