Жас қыздарды алып, бұрынғы қызметкерлерді жұмыстан шығаруда

Абай атындағы Қазақ ұлттық опера және балет театры президенттің келуіне орай 9 қызметкер әйелді бір күнде жұмыстан босатты.

Бұл туралы НеМолчиkz хабарлады.

Абай атындағы Қазақ ұлттық опера және балет театры бір күнде 9 әйелді жұмыстан шығарды. Олар кіру билеттерін тексеруші, күзетші және театр қызметкерлері. Жұмысқа қабылдау бөлімінің айтуынша Президенттің келуініне орай 9 әйелдің орнына жас қыздарды алады.

«Сіз тым шектен шығып жатқан жоқсыз ба? Президентке қызметкерлердің әдемі, жас қыз болуы маңызды ма? Жоғарғы басшылықтың көңілінен шығу үшін қарапайым қызметкерлердің құқығын, әйелдердің құқығын аяққа таптауға әзір тұратын осындай әділетсіз бастықтар қаншама? Бұл еңбек заңнамасын бұзу, гендерлік кемсітушілік! Оларға әйел жиһаз немесе кілем бе әдемілік үшін таңдайтын? Бұл мамандық, сыртқы түріне емес, кәсіби қасиеттеріне қарау керек! Президенттен осы керек пе деп сұрадыңыз ба?», - деді арызданушылар.