Жарылыстан кейін жан сақтау бөлімінде 24 жасар жігіт қайтыс болды

cover

Нұр-Сұлтанның Шұбар шағын ауданындағы кафеде газ баллонының жарылуынан зардап шегуші қайтыс болды

Үйінділерден құтқарылғаннан кейін 24 жастағы жас жігіт жансақтау бөлімінде қайтыс болды. Соңғы екі күнде оның жағдайы өте ауыр болған.

«Науқаста церебральды контузиямен ауыр ми жарақаты болған. Қабылдау кезінде науқасты No2 көпсалалы аурухананың мамандары мен Ұлттық нейрохирургия орталығының мамандары қарады. Алайда барлық медициналық шаралар қабылданғанымен, науқасты аман алып қала алмадық», -деді қалалық қоғамдық денсаулық сақтау департаментінің баспасөз хатшысы Әйгерім Ардақызы.

Тағы екі науқас реанимацияда жатыр.

Halalbrothers кафесіндегі жарылыс 21 қарашада болды. Газ баллонының жарылуынан ас үйдің шатыры құлаған. Төтенше жағдай салдарынан осы кафеде ыдыс жуғыш болып жұмыс істеген 1968 жылғы әйел адам қайтыс болды.

Жарылыста барлығы 34 адам зардап шекті. Оның 11-і жеңіл жарақат алды және олар амбулаториялық жағдайда емделуде. Құрбан болғандардың бәрі кафенің қызметкерлері: аспаздар, жұмысшылар, курьерлер.

23 қарашада Есіл ауданы әкімінің орынбасары Дәрменияр Қыдырбекұлы қайтыс болған әйелдің отбасына 1 миллион теңге көлемінде көмекке ақша аударды.

Жаңалықтар

барлық жаңалықтар