Жарылыста қайтыс болған әскерилердің деректері айтылды

Жамбыл облысындағы әскери бөлімшеде орын алған жарылыс салдарынан төрт адамның қаза тапқаны айтылды. Қорғаныс министрлігі үш адамның деректерін жариялады.

Бұл туралы Orda.kz хабарлайды.

Қайтыс болғандар 40-50 жастағы азаматтар.

Қорғаныс министрлігі жариялаған ақпаратқа сәйкес, қайтыс болғандар:

• Сержант Мешінбай Марат Сайлауұлы, 40 жас
• Ефрейтор Жанболатов Руслан Жүрсінбайұлы, 40 жас,
• Әскерилендірілген күзет қызметшісі Далибаев Оразбек 52 жас

Әскери бөлімшеде болған жарылыстарға қатысты брифинг кезінде Жамбыл облысының әкімі Бердібек Сапарбаев қайтыс болғандар мен жарақат алғандарға заңда көрсетілген тәртіп бойынша көмектесетіндерін айтты.

Еске салайық, 26 тамыз кешке Тараз маңындағы әскери бөлімнің жанында жарылыс болды.

Оқиға орнына министрдің орынбасары генерал-лейтенант Руслан Шпекбаевтың басшылығымен Қорғаныс министрлігінің комиссиясы жіберілді.

00:39-дар шамасында Қорғаныс министрі, Төтенше жағдайлар министрі және Қорғаныс министрлігінің комиссиясы бар ұшақ Жамбыл облысына келген. Брифинг кезінде Бердібек Сапарбаев жарылыстың инженерлік оқ-дәрі қоймасында болғанын айтты.

Тұрғындардың қауіпсіздігі үшін жақын маңдағы үйлерден тұрғындарды көшіру шаралары қабылданды.