Жарты жылда мүгедек жандардың құқығы 2 мың рет бұзылған

2021 жылдың алғашқы жартыжылдығында Еңбек, әлеуметтік қорғау және көші-қон комитетінің өңірлік департаменттері тексеріс жүргізді.

Бұл туралы Orda.kz хабарлады.

Тексеріс кезінде әлеуметтік инфрақұрылымның 379 нысанында «Мүгедектерді әлеуметтік қорғау туралы» және «Арнаулы әлеуметтік қызметтер туралы» заңның 1918 рет бұзылғандығы белгілі болды.

Жалпы мемлекеттік басқару, денсаулық сақтау, мәдениет және көліктік қызмет көрсету саласында мүгедек жандарға қолжетімді ортаны қамтамасыз ету үшін 469 бақылау іс-шарасы өткізілді. Атап айтқанда, 312 жоспарлы және 157 азаматтардың өтініштері негізінде тексеріс ұйымдастырылды.

Осылайша, Мүгедектерді әлеуметтік қорғау туралы» заңның 1603 рет бұзылуы және «Арнаулы әлеуметтік қызметтер туралы» заңының 315 бұзылуы тіркелді.

Жалпы заң бұзушылықтың 1 500-ы әлеуметтік және көлік инфрақұрылымы нысандарына, мәдени-ойын-сауық ұйымдары мен спорт ғимараттарына кіріп-шығуын қамтамасыз етпеумен байланысты.