Жарты жыл ауруханада қараусыз жатқан баланың әжесі табылды

Жамбыл облысында полиция жарты жылдан бері туыстарынсыз ауруханада жатқан екі жасар Тәңірберген Тілепбаевтың әжесін тапты.

Алматы телеарнасының хабарлауынша, баланың әжесі Меркі ауылының 58 жастағы тұрғыны болып шықты. Енді баланың алдағы тағдырын қорғаншылық органдары шешеді.

Бұған дейін Orda.kz редакциясы ауруханада алты ай қараусыз жатқан бала туралы хабарлаған. Баланың оқиғасымен куәгер әлеуметтік желіде бөліскен.

Бала ауруханаға 2021 жылдың 22 қыркүйегінде түскен. Баланы қабылдау кезінде ол тексеруден өтіп, дәрігерлер одан ешқандай патология таппаған. Баланың ата-анасы ауруханаға келіп, құжаттары рәсімдеп болғаннан кейін алып кететіндерін айтып, осы күнге дейін келмеген.