Жарты жыл қараусыз ауруханада жатқан баланың оқиғасы жалғасын тапты

Алматыдағы ауруханалардың бірінде жарты жыл бойы қараусыз қалған баланың әкесі табылды. Ол енді әкесі екенін дәлелдеу үшін ДНҚ тест тапсыру керек.

Оқиға резонанс тудырғаннан кейін ер адам өзі хабарласқан. Оның айтуынша, ол екі жасар ұлынан бас тартпайды. Оны алып кетуге уәде беріп кеткен, деп хабарлады КТК телеарнасы.

«Бастапқыда баланың құжаттары рәсімделмегендіктен, баланың өзі де құжатталмаған. Бұл жерде бірінші кезекте ол әкесі екенін растау керек - баламен бірге ДНҚ тестілеуінен өтуі керек. Негізінде, ол баланы мекемеден алып кетуге толық құқығы бар. Өйткені әке ата-ана құқығынан айырылмаған және оның үстінен әлі ешкім арыз жазбаған. Қазіргі уақытта ол баланы алып кетуге толық құқығы бар, егер ол әкесі екенін дәлелдесе» деді Алматыдағы №2 қалалық балалар клиникалық ауруханасының заңгері Рүстем Балтабаев.

Оған дейін кішкентай Тәңірберген қазір дайындалып жатқан мамандандырылған балалар үйінде тұрады.

Сондай-ақ, бүлдіршін жақында өзінің алғашқы құжатын – туу туралы куәлігін алған.

Баланың әкесін ДНҚ тестін тапсыруға дайын.

«Алаңдап жатқан адамдарға көп рахмет. Ұлымды өзім тәрбиелеймін. Енді мен барлық қажетті құжаттарды реттеп, оны алып кетуге дайынмын. Қажет болса, ДНҚ сараптамасын тапсыруға дайынмын. Бірақ Тәңірберген менің ұлым екеніне сенімдімін – бұл 100%. Осы уақыт аралығында мен ай сайын ауруханаға келіп тұрдым. Бұл туралы дәрігерлер біледі» деді Мейірбек Тілепбаев.

Ауруханадағы тастанды бала

Баланың әкесі туралы ақпарат бала туралы желіде жарияланғаннан кейін белгілі болды. Ер адам мен оның баласы қыркүйек айында полицейлердің назарына ілінген. Олар тым жұқа киінген. Белгілі болғандай, ер адам Жамбыл облысынан келген. Тұрғылықты тұратын жері жоқ. Оның айтуынша, әйелі оларды тастап кеткен.

Артынша бала ауруханада қалған. Әкесі оны алып кетуге уәде берген. Екі рет баланы балалар үйіне бермеу туралы өтінішпен ауруханаға келген. Бірақ үн-түнсіз кеткен.

Полицейлер баланың әжесін де тапты - әйел Жамбыл облысында тұрады.