Жаппай тәртіпсіздіктер кезінде демалыста жүрген әкім лауазымынан босатылды

Атырау облысы әкімінің өкімімен 14 қаңтар күні Қайрат Оразбаев берілген өтініші негізінде Атырау қаласының әкімі қызметінен босатылды.

Қазіргі уақытта қала әкімінің міндетін Атырау әкімінің орынбасары Жұмабек Қаражанов атқарады,

Бұл туралы Атырау облыс әкімінің баспасөз қызметі хабарлады.

Естеріңізге сала кетейік, бұған дейін хабарланғандай, Атырау әкімі 31 желтоқсаннан бастап еңбек демалысын алған, бірақ 10 қаңтарда одан шақыртылып алынған болатын. Ал келесі күні ол денсаулық жағдайына байланысты демалыс алып, жұмысқа қашан шығатыны белгісіз болған.