Жапонияның бұрынғы премьер-министріне қастандық жасалды

Жапонияның бұрынғы премьер-министрі Синдзо Абэ елдің батысында сөз сөйлеп жатқанда оны белгісіз ер адам атып кетті.

Киодо агенттігінің хабарлауынша, шабуыл бүгін жергілікті уақыт бойынша сағат 11:30-да болған.

Жапондық халықаралық NHK телеарнасы Синдзо Абэнің науқанға байланысты келіп батыс Нара префектурасында сөз сөйлеп жатқан кезінде оқ тиіп, салдарынан жерге құлағанын хабарлады.

Өрт сөндіру қызметінің хабарлауынша, бұрынғы премьер-министр ес-түссіз жатқан. Полиция күдіктінің оқиға орнында қамауға алынғанын айтты. Күдікті шамамен 40 жаста.

Синдзо Абэ дереу ауруханаға жатқызылды. Анықталғандай, оның жүрегі тоқтап қалған.