Жапониядағы жер сілкінісінен қаза тапқандар саны 13-ке жетті

Жапон дәрігерлері Исикава префектурасында болған күшті жер сілкінісі салдарынан 13 адам қаза тапқанын мәлімдеді, деп хабарлайды Orda.kz Kyodo агенттігіне сілтеме жасап.

Бұған дейін алты адам қаза тауып, құрбан болғандар саны оншақты болған.

Америка Құрама Штаттары мен Ұлыбритания Токиоға апат салдарымен күресуде көмек ұсынды.

Жапон премьер-министрі Фумио Кишида: «Өте ауқымды шығын расталды, оның ішінде көптеген құрбандар, ғимараттардың қирауы мен өрттер орын алды» деді.

1 қаңтарда Жапонияның орталығында Исикава префектурасының Ното түбегіне жақын жерде магнитудасы 7,6 баллдық жер сілкінісі болды. Үлкен өрт салдарынан 50 ғимарат қирап, 200-ден астамы жанып кетті.

Скриншот: Жапонияның метеорологиялық агенттігі

Жапон үкіметінің мәліметінше, 97 мыңнан астамды адам эвакуациялауға бұйрық беріліп, олар осы түнді шұғыл эвакуация орталықтары ретінде пайдаланылатын спорт залдары мен мектептерде өткізді.