«Жапониядағы жер сілкінісі»: Қасым-Жомарт Тоқаев пен Фумио Кишида телефонмен сөйлесті

Бүгін Қазақстан Президенті Қасым-Жомарт Тоқаев пен Жапония Премьер-министрі Фумио Кишида телефон арқылы сөйлесті.

Бұл туралы Ақорда хабарлады. 

Әңгіме барысында Тоқаев жапон халқына жақында болған жер сілкінісіне байланысты көңіл айтып, оның ауыр салдарға әкелмейтініне үміт білдірді.
Премьер-министр Кишида Қазақстанға ресми сапары мен «Орталық Азия + Жапония» Диалогының бірінші саммитіне қатысу жоспарын кейінге қалдыруға мәжбүр болғанын өкінішпен жеткізді.

Көшбасшылар екіжақты қарым-қатынастардың қазіргі жағдайы мен болашағын талқылап, өңірлік ынтымақтастық мәселелері бойынша пікір алмасты.

Еске сала кетсек, Orda.kz Жапония премьер-министрі жер сілкінісіне байланысты Қазақстанға сапарын кейінге қалдырғанын  жазған болатын.