Жапонияда құс тұмауының жаңа екі ошағы табылды

Жапонияда Кочи мен Кагава аймағында құс тұмауының жаңа екі ошағы анықталды, деп хабарлады Киодо.

Осылайша, бұл аурудың вирусы Жапониядағы 47 аймақтың 11-інен табылды. Бұл осы маусымда Кагавадағы эпидемия анықталған 12-ші оқиға. Кочи аумағында 32 мың, Кагавада - 29 мың тауықтарды жою басталды.

Ауру ошақтары анықталған фермалардың айналасындағы үш шақырымдық аймақ шегінде тауықтар мен жұмыртқалардың қозғалысына карантин енгізілді. Оларды 10 шақырымдық аумақтан тыс жерлерге шығаруға тыйым салынды.

Бұған дейін құс тұмауы Кагава, Фукуока, Хиого, Миязаки, Хиросима, Нара, Ойта, Вакаяма, Окаяма, Шига аймақтарында анықталған.

Ауылшаруашылық министрлігі қараша айынан бастап желтоқсанның басына дейінгі бір айдың ішінде бір маусымда ел үшін рекордтық сан - 2 миллион құс жойылды деп хабарлады.

Жапонияда қараша айының басында құс тұмауының алғашқы өршуі тіркелді.