Жапонияда Олимпиадалық алау эстафетасы басталды

Жапонияда Олимпиадалық алау эстафетасы 47 префектура арқылы Токиоға аттанды.

Ақпарат жапондық NHK сайтында жарияланды, деп хабарлайды Orda.kz.

Токио Олимпиада алауы эстафетасы 2011 жылғы жойқын жер сілкінісі мен цунамиден кейін елдің жандануының символы ретінде таңдалған J-Village футболшыларын даярлау орталығындағы Фукусима префектурасында басталды.

— Былтыр әлемде қиын жағдай орын алды. Жаңа инфекцияның таралуына байланысты ойындар кейінге қалдырылды. Алайда, барлық қиындықтарға қарамастан, алау оты тоқтамады. Бұл (ред. алау) үміт жолындағы шамшырақ. 23 шілдеде Ұлттық стадионға жетеміз деп үміттенемін, - Токиодағы Ойындарды ұйымдастыру комитетінің төрағасы Сэйко Хашимото.

Олимпиадалық алау эстафетасы Жапонияның Токиоға дейінгі барлық 47 префектурасы бойынша өтеді. Онда 23 шілдеде 2021 жылғы Олимпиада ойындарының ашылуы өтеді. Алау эстафетасы 10 мыңға жуық жүгірушінің қатысуымен 47 префектураға бару үшін 121 күнге созылады.