Жапонияда нөсер жаңбыр салдарынан 3 млн адам эвакуацияланды

Жапон билігі нөсер жаңбырға байланысты үш миллионнан астам адам эвакуацияланғанын айтты.

Бұл туралы Orda.kz Reuters агенттігіне сілтеме жасап хабарлады.

Елдің метеорологиялық агенттігі адамдарды көшкін мен су тасқыны қаупі туралы ескертіп, сақ болуды сұрады. NHK телеарнасының хабарлауынша, көшкін туралы ескерту елдің оңтүстік-батысындағы Кюсю аймағындағы Фукуока, Нагасаки, Сага, Ойта, Кумамото және Кагосима префектураларында, сондай-ақ елдің негізгі аралы Хонсюдағы Тояма, Исикава мен Ниигата провинцияларында жасалды.

Билік Кюсюдің орталық бөлігінде 5 деңгейдегі эвакуация туралы жоғары деңгейдегі ескерту жариялап, тұрғындарды өздерін қорғау үшін шұғыл шаралар қабылдауға шақырды.

– Тұрғындар үшін қауіптілік деңгейі максималды, жауын-шашын ондаған жылдар бойы түзетілмейтін зиян келтіруі мүмкін, - делінген ел билігінің хабарламасында.

Бұл ескерту Кумамото, Хиросима, Фукуока, Сага, Нагасаки, Ойта және Кагосима префектураларының 2,82 млн тұрғынына да қатысты.

Еске салсық, 12 тамыз күшті су тасқыны Түркияның Қара теңіз жағалауында болған, салдарынан 17 адам зардап шекті.