Жапон суларына Қытай әскери-теңіз күштерінің кемесі кірді

Қытай әскери-теңіз күштерінің кемесі өз суларына кіргеннен кейін Жапония Қытайға алаңдаушылығын білдірді.

Жапония үкіметі Кагосима префектурасының оңтүстік-батысындағы Якушима аралының маңындағы суға Қытай әскери-теңіз күштерінің зерттеу кемесі кіргеніне байланысты Қытайға алаңдаушылық білдірді. Екі ел арасындағы байланыс дипломатиялық арналар арқылы жүзеге асты. Бұл туралы жапондық Киодо агенттігі хабарлады.

Оқиға жергілікті уақыт бойынша 12 ақпан күні сағат 00:50 шамасында болған. Жапония теңіздегі өзін-өзі қорғау күштері Якусима аралының оңтүстігіндегі көрші суларда солтүстікке қарай бет алған Қытай Әскери-теңіз күштерінің Shupan  зерттеу кемесі өткенін анықтады.

«Сол күні сағат 02.30 шамасында зерттеу кемесі Якусима аралының оңтүстік-батысында Жапонияның аумақтық суларына кіргені расталды»  деп келтірді Жапон Қорғаныс министрлігі.

Жағдайға ден қою үшін аймаққа Жапония теңіздегі өзін-өзі қорғау күштерінің патрульдік ұшақтары жіберілді.