Жапаров туысының қамауға алынғаны туралы пікір білдірді

Қырғызстан президенті Садыр Жапаров немере інісінің тұтқындалуы туралы пікір білдірді.

Садыр Жапаров журналистерге берген сұхбатында сыбайлас жемқорлыққа қарсы күресте заң ортақ екенін мәлімдеді. Заң бұзған адамдар мемлекеттің бірінші тұлғаларымен туыстық дәрежесіне қарамастан жауапқа тартылатын болады.

«Қазір басқа заман. Барлығына бірдей көзқарастамыз. Сыбайлас жемқорлыққа қатысы бар болса, қамауға алынады. Мемелекетке келтірген залалды екі есе өтесіңіз, бостандыққа шығасыз. Олай болмаған жағдайда қамалады. Егер мен араласып, туысымды тұтқындама десем, қалғандары да заңды бұза бастайды» деді Жапаров.

Еске салайық, Жапаровтың немере інісі Ұлан Жапаров Сыбайлас жемқорлыққа қатысты бар деген күдікке ілінді.