Жансейіт Түймебаев ҚазҰУ ректоры болып тағайындалды

Бұрынғы Білім министрі Әл-Фараби атындағы Қазақ ұлттық университетіне  ректор болып  сайланды, деп хабарлайды ORDA.

Бұл туралы кеше кешкісін Мұрат Әбенов өзінің әлеуметтік желідегі парақшасында жазды.

«Бір сағат бұрын республикалық комиссияның шешімімен Ұлттық университеттердің екі ректоры сайланды. ҚазҰУ ректоры Түймебаев Жансейіт Қансейітұлы. ЕҰУ ректоры Сыдықов Ерлан Бәттәшұлы», - деп жазды ол. 

Түймебаев Жансейіт Қансейітұлы 1958 жылы Оңтүстік Қазақстан облысында дүниеге келген. 1980 жылы  С. М. Киров атындағы Қазақ мемлекеттік университетін «Филолог» мамандығы бойынша бітірген. 2000 жылы  Мәскеу мемлекеттік әлеуметтік университетінің заң факультетін тәмамдаған. Филология ғылымының кандидаты.

2019 жылдың 28 ақпанынан бастап Қазақстан халықтар ассамблеясы төрағасының орынбасары, Қазақстан Президенті әкімшілігінің ҚХА хатшылығының басшысы.

Әлеуметтік желілерде еліміздегі ең беделді жоғарғы оқу орындарының бірі әл-Фараби атындағы ҚазҰУ-дың ректоры ауысқаны жайлы ақпарат тараған еді. 

Естеріңізге сала кетсек, жақында ғана Әл-Фараби атындағы Қазақ ұлттық университетіне тиесілі жердің бірнеше бөлігі жеке меншікке өтіп кеткені жайлы шу шығып, бұқаралық ақпарат құралдары жарыса жазған болатын. Осы айқай-шу бұрынғы ректор Ғалымқайыр Мұтановтың орнын босатуына түрткі болды.