Жансая Әбдімәлік кімге тұрмысқа шыққаны белгілі болды

Танымал қазақстандық шахматшы, 23 жастағы Жансая Әбдімәлік тұрмысқа шыққаны белгілі болды.

Суреттерге қарағанда, жас жұбайлар үйлену тойын Дубайда атап өтті. Жансая Әбдімәліктің өмірлік серігі 1 желтоқсаннан бері «Қазақмыс» корпорациясы» ЖШС басқарма төрағасы қызметін атқаратын 34 жастағы Нұрахмет Нұриев.

2022 жылдың желтоқсанында Нұрахмет Нұриев «Қазақмыс» басшысы болып Эдуард Огайды (2006 жылдан бері компанияны басқарды) ауыстырды.

Нұриев 1989 жылы дүниеге келген. Ол Ұлыбританияда білім алған және Англия Рускин университетінде MBA дәрежесін алған.

2011 жылдан 2013 жылға дейін ол Hamble Group компаниясында қаржылық сарапшы болып жұмыс істеді.

2013-2015 жылдар аралығында Павлодар және Атырау қалаларындағы мұнай өңдеу зауыттарының құрылымдық бөлімшелерінде жұмыс істеді.

2015-2019 жылдары «Майкөбен Вест» ЖШС және «Шұбаркөл Премиум» АҚ көмір өндіру кәсіпорындарында қаржы директоры, бас директордың корпоративтік даму жөніндегі орынбасары болды.

2019-2020 жылдары «Интергаз Орталық Азия» АҚ ӨМГ Тараз филиалы директорының орынбасары, «Қазтрансгаз» АҚ тарифтерді белгілеу және инвестициялық саясат департаменті директорының орынбасары қызметтерін атқарған.

Ол «Қазақмыс» корпорациясындағы еңбек жолын 2020 жылы жоба тобының жетекшісі ретінде бастады.

Қыркүйек айынан бастап «Қазақмыс Корпорациясы» ЖШС аутсорсинг директоры қызметін атқарды.

2021 жылдың маусымында «Kazakhmys Smelting» ЖШС бас директоры болып тағайындалды.

Ашық ақпарат көздеріне сүйенсек, Нұриевтің анасы Сәуле Сағдиева. Ол «Group Nak 8» ЖШС және «Car City» АҚ компанияларының құрылтайшысы ретінде тіркелген. 2010 жылы БТА Банкінде несиелеу департаментінің директоры болды.

Нұриевтің анасының әпкесі Раушан Сағдиева - «Car City» АҚ құрылтайшылары, сондай-ақ «Меркурий Пропертис» ЖШС (бұл компанияда құрылтайшылар Динара Құлыбаева және Тимур Құлыбаев бақылайтын «Кипрос» ЖШС) болып табылады. Ал «Кипрос» ЖШС-ң басшысы – Раушан Сағдиева.

Әбдімәліктің үлкен қайын атасы – Қазақ КСР Жоғарғы Кеңесі президиумының төрағасы қызметін атқарған Мақтай Сағдиев. КСРО ыдырағаннан кейін президент кеңесшісі, парламент мәжілісінің депутаты қызметтерін атқарды. «Казправданың» «Ұлы даланың лайықты перзенті» мақаласында Сағдиев «Нұрсұлтан Назарбаевтың ең жақын серігі» деп аталады.

Жансая Әбдімәлік – қыздар арасында Қазақстандағы тұңғыш әлем чемпионы (2008), әйелдер арасындағы халықаралық гроссмейстер (2014) және ерлер арасындағы халықаралық гроссмейстер (2017), халықаралық гроссмейстер (2021).