Жанқош Тұраров IBO нұсқасы бойынша әлем чемпионы атанды

Қазақстандық боксшы Жанқош Тұраров IBO тұжырымы бойынша жартылай орта салмақта әлем чемпионы атанды.

Жекпе-жек Алматыда өтіп,  Жанқош Тұраровтың  қарсыласы 33 жастағы мексикалық боксшы Алехандро Менесес болды.

Жекпе-жек оныншы раундқа дейін тоқтатылды - Менесестен қан кете бастады, ал оның командасы боксты  жалғастырудан бас тартуға шешім қабылдады.

Осылайша, 32 жастағы Тұраров кәсіпқой мансабындағы 27-ші жеңісіне қол жеткізіп, жаңа әлем чемпионы атанды.