Жәнібек Әлімханұлы қарсылассыз қалды

Қазақстандық боксшы Жанібек Әлімханұлының ағылшын боксшысы Хамза Ширазбен жоспарлаған жекпе-жегі күтпеген жерден болмайтын болды. Әлемдік бокс ұйымы (WBO) жекпе-жекке аукцион жариялап, Шираз командасының бастамасымен кездесуді тоқтатты, деп хабарлайды Orda.kz.

Әлімханұлы жағдайға қатысты мысқылды жазба жариялады. 

«Оларды спаррингте қатты ұрмау керек еді. Қарсыластардың қорыққаны жақсы ғой, бірақ қашқаны біраз жоспарды құртып жіберді. Бұл оқиғалардың бәрі Қазақ стилінің тарихындағы елеулі сәттер! Біз тоқтамаймыз! 2 титул қолда, 2 титул жолда! Жорық жалғаса береді!» деп жазды Жәнібек Әлімханұлы.  

Сонымен қатар, чемпион WBO-дан өзіне лайықты қарсылас табуды талап етті.