Жаңа партиялар, активтерді қайтару және президенттік бағдарлама - Тоқаев

Қасым-Жомарт Тоқаев Астанада сайлауға  дауыс бергеннен кейін журналистердің сұрақтарына жауап берді.

Президент осы адамдармен өткізілуі мүмкін парламенттік сайлау мәселесіне қатысты пікір білдірді.

— Біз жаңа партиялардың тіркелетіні туралы айттық, бұл процесс жүріп жатыр. Жасанды түрде заңды бұзып, партияларды тіркей алмаймыз. Әрине, біз қолайлы жағдай жасаймыз. Менің ойымша, парламенттік сайлау басталғанға дейін бірнеше партия тиісті шарттарды орындап, тіркеуден өтеді. Бұл біздің мүддемізге сай деп ойлаймын. Сонымен қатар, парламент сайлауы жаңа, аралас жүйе бойынша өтеді. Сайлау нәтижесінде еліміздің заң шығарушы органына, оның ішінде оппозициялық көзқарасты білдіретіндер де қызықты адамдар келеді деп күтемін, - деді президент.

Қасым-Жомарт Тоқаев өз бағдарламасы мен оның жүзеге асуы туралы сұраққа жауап берді.

— Биылғы жыл оңай болған жоқ, бірақ халық барлық қиындықтардан табандылықпен өтті. Енді алдымызда жаңа міндеттер мен мақсаттар тұр. Біріншіден, халық маған дауыс берсе, ол бағдарламаны  жүзеге асыру керек, сондықтан жұмыс көп болады. Биыл біз саяси реформаларды жүзеге асырдық – жазда референдум өтті. Қазір кезектен тыс президент сайлауы өтіп жатыр, - деді Тоқаев.

Түрлі бағалаулар бойынша, тәуелсіздік жылдарында Қазақстаннан 50-ден 150 миллиард долларға дейін шығарылды. Президенттің айтуынша, қазірдің өзінде заңсыз шығарылған активтерді қайтару үшін комиссия құрылған.

— Мемлекеттің бұл бағыттағы жүйелі жұмысы жалғасады, мен бұл туралы айттым. Арнайы комиссия құрылды, оны Бас прокурор басқарады, мен бұл комиссияның жұмысын жеке бақылаймын. Уақыт өте келе елімізден заңсыз шығарылған капиталды қайтару туралы заң қабылдауымыз керек деп есептеймін. Өздігінен қайтаруға  келетін болсақ, бұл да құпталады, - деп жауап берді Тоқаев.

Журналистердің «Сайлаудағы басты қарсыласым кім деп санайсыз?» деген сауалына мемлекет басшысы бүгін президенттік бәсекеге қатысып жатқандардың ешқайсысын танымайтынын түсіндірді.

— Олар елге лайықты, білімді, тәжірибелі азаматтар. Сондықтан олардың болашақта еліміз үшін пайдалы болатынына күмәнім жоқ, - деді Тоқаев.

Қазақстан көп векторлы саясатты жалғастырады. Оның үстіне президент журналистерге биылғы жылдың соңында немесе келесі жылдың басында үлкен баспасөз мәслихатын өткіземін деп уәде берді.