Жаңа мектептердегі  оқыту тілі халықтың сұранысына байланысты – Досаев

Наурызбай ауданындағы 7500 орынның тапшылығы қазақ мектебіне деген сұраныстан туындап отыр, деді Алматы әкімі Ерболат Досаев.

— Біз аралас мектептер ашамыз. Наурызбай ауданында іске қосылған жаңа мектептердің басым бөлігі қазақ тілінде оқытатындар. Себебі, 2022 жылдың басында бұл ауданда тапшылық байқалған 7,5 мың мектеп орнының, оның  ішінде қазақ тілінде оқытатын орындарға өтініштер көп түскен. Сондықтан олардың сұранысы ескерілді, - деп жауап берді Досаев жұма күнгі жиында қаланың Наурызбай ауданының тұрғындарына.

Оның айтуынша, салынып жатқан жаңа мектептер, оның ішінде «Жайлы мектеп» ұлттық жобасы аясында аудандық білім бөлімдерінде қаралып жатқан өтініштер бойынша ашылады.

— Біздің ауқымды жоспарларымыз бар – 2025 жылдың соңына дейін мектептердің 30%-ы бір ауысымда болуын қамтамасыз етуге тырысамыз. Бізде мұндай мүмкіндіктер бар, - деді Досаев.

Өз кезегінде Алматы қаласы Білім басқармасының басшысы Ләззат Жылқыбаева өңірде қазақ мектептеріне қажеттілік зор екенін қосты.

— Соңғы ашылған мектеп 1200 орынға есептелген  № 207 мектеп болды. Қазақ сыныбына 2400 бала келсе, орыс сыныбына 100 баладан аспады. Осыған орай біз орыс тілінде оқытатын осы ауданның тұрғындарына арналған № 157 мектепке балаларды жеткізуді ұйымдастырдық. Ашылған сегіз мектептің екеуі аралас, - деді Жылқыбаева.