Жаңа мектептер оқу жылына дайын ба?

Республика бойынша бірқатар өңірлер төмен көрсеткіш көрсетуде, қыркүйекке дейін жаңа мектептер тапсырылмай қалуы мүмкін.

Бұл жағынан еліміздің бірқатар өңірлері төмен көрсеткіш көрсетіп отыр. Жаңа мектептер қыркүйекке дейін тапсырылып үлгермеуі мүмкін, деп хабарлады Білім министрлігінің Білім сапасын қамтамасыз ету комитеті.

«Бұл бағытта Алматы, Атырау, Жамбыл, Қызылорда, Шығыс Қазақстан, Батыс Қазақстан және Түркістан облыстарында төмен көрсеткіштер байқалады. Отырыс барысында аталған өңірлерге пән кабинеттерін ашу бойынша жұмыстарды уақытылы және сапалы аяқтау тапсырылды» делінген хабарламада.

Президент Қасым-Жомарт Тоқаевтың тапсырмасы бойынша билік жаңа мектептер мен робототехника, химия, биология, физика пәндері және STEM үшін кемінде 1000 заманауи кабинеттер ашуы керек. Білім басқармаларының мәліметінше, қазіргі таңда 307 оқу кабинеті ашылып, тағы 248 кабинетке жабдықтау жұмыстары жүргізілуде. 1235 аудиторияға конкурстық рәсімдер өткізілуде.

Еліміз бойынша 35 мектептегі жөндеу жұмыстары жаңа оқу жылының басталуына дейін аяқталмауы мүмкін. Бұл Алматы, Абай, Атырау, Жамбыл, Қарағанды, Түркістан, Батыс Қазақстан облыстарындағы мектептер.

Алматы, Атырау және Түркістан облыстарында 506 мектеп жаңартылған. Оның 107-сінде ағымдағы жөндеу жұмыстары аяқталды. 185 орта білім беру ұйымдарының жиһазы, 201 мектеп кітапханасы және 119 мектеп асханасы жаңартылды. 261 мектепке турникеттер, бейнебақылау жүйесі, дабыл қондырғылары орнатылып, қауіпсіздік шаралары күшейтілген.

14 облыс баспалармен 100 пайыз келісім-шартқа отырғаны хабарланды. Егер Ақтөбе, Солтүстік Қазақстан, Атырау облыстарында жұмыстар аяқталса, Алматы, Түркістан және Алматы облыстарында әлі басталмаған.

«Кеңес қорытындысы бойынша барлық облыстық білім басқармаларына Мемлекет басшысының тапсырмаларын сапалы орындау бойынша жұмысты жеделдету тапсырылды. Жұмысы төмен аймақтар олқылықтарды жою үшін шұғыл шаралар қабылдауы керек», - дейді комитет өкілдері.