Жаңа энергетика министрі депутатқа қазақ тілінде жауап бере алмады

Бір күн бұрын Энергетика министрлігіне басшы болып тағайындалған Алмасадам Сәтқалиев жаңа қызметінде парламентте Мәжіліс депутаттарымен алғашқы ресми кездесуінде ұятқа қалды.

Басқарма басшысы өз сөзінде «Жылу энергетикасы туралы» жаңа заң жобасымен таныстырды. Бұдан кейін депутат Бақытжан Базарбек оған мемлекеттік тілде сөйлеуі керектігі жөнінде ескерту жасады.

«Біріншіден, біз мемлекеттік қызметшіміз, екіншіден, бұл міндетті шара, сөз сөйлеуге дайындалу керек, үшіншіден, қазақша сөйлей алмасаңыз, көмекшісіңіз болуы керек» деді Мәжіліс депутаты.

Еске салсақ, Сәтқалиев 4 сәуірде Энергетика министрі болып тағайындалды, бұған дейін ол «Самұрық-Қазына» қорын басқарған.