Жандарбек Бекшин коронавирусқа байланысты үндеу жасады

Алматы қаласы Тауарлар мен қызметтердің сапасы мен қауіпсіздігін бақылау департаментінің басшысы Жандарбек Бекшин қала тұрғындарына үндеу жасады. Видеоны Facebook парақшасында жариялаған.

– Биылғы жылдың сәуір айынан бастап Алматы қаласының санитарлық-эпидемиологиялық бақылау департаменті вакциналаудың толық курсынан кейін, яғни 42-45 күннен кейін COVID-19 ауруына мониторинг жүргізді, - деді Жандарбек Бекшин

Оның айтуынша, қалада коронавирус инфекциясының 3239 жағдайы тіркелген, бұл жалпы екпенің толық курсын алған 980 мыңнан астам азаматтың 0,33 пайызын құрайды.

– Алматыда вакциналаудың толық курсын алғаннан кейін үлес салмағы бойынша коронавирустық инфекциямен сырқаттанушылық жағдайы келесідей: Sputnik V – 0,37%, Hayat-Vax – 0,26%, Sinovac – 0,19%, QazCovid-in (QazVac) ) - 0,17%, - деді Жандарбек Бекшин

Алматы қаласының санитарлық дәрігері отандық вакцинаны алғаннан кейін инфекциялық аурухана қызметкерлері лайықты қорғаныс ретінде қайта екпе салдыру үшін QazCovid-in-ді таңдағанын атап өтті.

– Сондай-ақ, QazCovid-in вакцинасын салдырғандар арасында вирус жұқтыру басқа екпелерге қарағанда әлдеқайда аз байқалатыны атап өтілді. Бұл еліміздегі індетпен күресте жақсы көрсеткіш, - деді ол.

Бекшин QazVas әзірлеушілеріне алғысын білдіріп, алматылықтарға үндеу жасады.

– Алматы тұрғындарын шектеу шараларын сақтауға және белсенді түрде екпе алуға шақырамыз. Тек ұжымдық иммунитет вирустың таралуын тоқтатып, эпидемияны тоқтата алады, - деді Жандарбек Бекшин.